Zgjedhjet lokale të 14 majit, grupi i Alibeajt dorëzon listën e plotë të anëtarëve të KZAZ

Sekretari i Përgjithshëm i PD Gazment Bardhi ka dorëzuar listën e plotë të anëtarëve dhe sekretarëve të KZAZ për zgjedhjet vendore të 14 Maj.

Kujtojmë se të premten ka qenë grupi i Berishës që ka dorëzuar në KQZ kandidaturat për anëtarët e KZAZ-ve.

Ditë më parë, edhe PL edhe PD depozituan në KQZ listën e propozimeve për anëtarë të KZAZ-ve.

Kreu i KQZ-së Ilirjan Celibashi ka deklaruar se në momentin që do të vijnë propozimet për anëtarë të KZAZ, do të vlerësohet legjitimiteti i atij personi që në emër të PD paraqet këto propozime.